Nga Vilson Kulemani
Nja dy fjalë për ty udhëheqësi ynë suprem pasi mbrëmë nuk mu duke mirë. Pavarësisht se mbrëmë dole të lajmëroje fitoren plebishitare në 61 Bashki dhe duhej të ishe entuziast për rezultatin surreal, nuk arrite të ma përcillje këtë entuziazëm.
Nuk ishe në lartësinë e duhur aktoreske mbrëmë. Nuk të dilnin as fjalët edhe pse i kishe të shkruara dhe parapërgatitura. Shqiptarëve nuk ju kish pëlqyer “e pamja e filxhanit” qytet më qytet, as imitimi i Nora Malaj-t edhe pse e pranoj ishte mjaft i arirë.
Dikur propaganda e etërve të tu ishte shumë efektive sepse ishte një popull i izoluar, por me të vërtet mendon që do të pi ujë propaganda në 2019? Bleve të gjithë kazanët dhe stë mjaftoi, hape dhe një kusi tënden personale duke helmuar Shqiptarët me lajmet e fabrikuara tek zyra e Fugës.
Sule nëpër këto televizione si ujqërit për gjah disa paloopinionistë të cilët fillove ti urreje dhe vetë nga dozat e tepruara të servilizmit që shfaqnin ndaj teje.
Po si mund të shkosh dhe tju ofrosh shqiptarëve të shohin filxhan me ty kur ata e kan filxhanin bosh?
Po si mund të mendosh që mund ti blesh ende votat me thasë mielli prindërve, fëmijët e të cilëve flenë urrave të Europës për mbijetesë mijra kilometra larg familjes?
Po si mund tju thuash kuksianëve që të zgjedhin midis Anglisë dhe qelisë kur në atë dreq Anglie ata qëndrojnë me ditë të tëra posht kamioneve dhe qelia do të ishte parajsë para kësaj sakrifice.
Këto votime ishe vetëm, mund ti fitoje dhe me nga 1 votë për qytet por nga arroganca që të karakterizon doje të tregoje forcën e një lideri suprem. Më vjen në mendje një shprehje e Shkodranve “P*rdha e madhe, gris brekët e reja” por ty ti shqeu edhe ato pantallonat e Erion Braçes që kishe veshur dje.
A arrite ta kuptoje që “Haxhi Qameta” të kish lëshuar një komardare shpëtimi që ti e refuzove dhe tani u mbyte fiks si ajo barcoleta e famshme? Kujtesëne kam të fortë dhe mu kujtuan zgjedhjet lokale në Korcë kur u përsëritën për shkak se u bë zvKM Nikua.
Kishte vetëm pak muaj që ishin bërë zgjedhjet e megjithatë ti rendje të blije vota për ti treguar Shqiptarëve dhe ndërkombëtarve që qeveria jote kishte njohur rritje. E mban mend? More nofkën e Sulltan 20 mijë lekshit asokohe. Një ngjarje që dhe po të mos e kisha këtë kujtesë kaq të fortë do ta mbaja mend, përsëritja e zgjedhjeve në Dibër. Pavarësisht nga Megaskandali i Brekëve të Shukriut, të cilat nuk ishin grisur nga i njejti fenomen i brekëve të tua, e fitove Bashkine me +4000 vota.
Skish faj i shkreti Gjiknur kur bërtistë “Tërmet Tërmet”, as ai vetë nuk e kish menduar aq të thellë rezultatin. Nuk le mi qelish pa ju dhënë nga një llokmë pushteti vetëm me vetëm për vota. I bere Ministra, Deputet e kryetar Bashkish.
E ktheve Shqiprinë në një vend neoliberal duke privatizuar çdo gjë që të shihnin sytë. Mos harro dhe piramidat moderne që ty të pëlqen ti quash PPP, sot jam student, pas disa vitesh kryefamiljar dhe fëmijët e mi do jenë të detyruar të paguajnë këto gropa që i ke hapur ekonomisë.PPP në shëndetsi, PPP në arsim, PPP në transport, PPP për rrugët dhe si mos të mjaftonte kjo dhe një PPP në drejtësi.
Pikërisht Arta Marku, Prokurorja e Përgjithsme e Përkohshme që i ka vënë drynin Prokurorisë. Të gjithë jemi kalimtar në këtë botë përveç madatit të saj të përkohshëm.
Meqë me djeg dhe më shumë po të bëj të fala dhe nga studentët, e pe shuplakën që të dhan dje? A i pyete sa ishte përqindja e të rrinjve që të votuan dje? E festove si fitore shuarjen e zerit tonë por tu përkthye në votë, përvec Sufllaqexhinve të Eljos që janë dhe kanceri që po le pas në shoqërinë shqiptare.
E more udhëheqës spo të përmend më shumë nga dështimet e tua se boll kohë të kushtova. Duhej të më vinte turp për Kryeministrin tim por nuk më vjen. E di pse? Sepse un jam “ata”. Ti nuk arrite kurrë të ishe Kryeministri i të gjithve sepse dhe vetë je kujdesur të na ndash në “ne” dhe “ata”.
Ti je turpi i Socialistëve dhe nga ata ke marë shuplakën më të rënde dje. Një këshillë nga unë meqë jam dhe në përfundim. Dinjiteti është tërësia e vlerave morale si krenaria dhe nderi që të bën të cmohesh nga shoqëria. Tregohu dinjitoz dhe largohu. Më beso që do të ndihesh mirë dhe ndoshta për të parin rast në jetën tënde do ta provosh këtë sadisfaksion. Udhë të mbarë!
