Presidenti Ilir Meta vijon ironinë ndaj kryeministrit Edi Rama.
Pasi i cilësoi votimet moniste, Meta publikon këtë të hënë një fotografi ku shfaqet në plazh. “E di që disa komentues do më kritikojnë pse sot jam buzë detit si e hënë që është, por dua t’ju them se kam humbur shumë ditë pushimi duke pritur dialogun dhe reflektimin, përfshirë dhe të shtunën e fundit”, shkruhet në postim.
Kujtojmë se pasi rrëzoi 30 qershorin si datën e zgjedhjeve, kreu i shtetit i kërkoi takim kryeministri Edi Rama, por ky i fundit e injoroi. Meta tha se shpresonte që Rama të reflektorë deri të shtunën e 29 qershorit, për të mos shkuar në zgjedhje. Megjithatë, kjo nuk ndodhi dhe në 30 qershor, në Shqipëri u zhvilluan votime të stilit monist me pjesën dërrmuese të qytetarëve që zgjodhën bojkotin.
Postimi i Metës
Kënaqësi të takoja sot në Lalëz dy vëzhgues ndërkombëtarë të votimeve të djeshme, Zhoaon nga Holanda🇳 dhe Katerinën nga Gjermania🇩🇪.
Ata kërkuan një kujtim me mua dhe unë jam i lumtur ta ndaj këtë foto me ju.
Po kështu jam i gëzuar që u ka pëlqyer shumë Shqipëria.
E di që disa komentues do më kritikojnë pse sot jam buzë detit si e hënë që është, por dua t’ju them se kam humbur shumë ditë pushimi duke pritur dialogun dhe reflektimin, përfshirë dhe të shtunën e fundit.
