Sigurisht që efekti i përgjimeve të publikuara nga prestigjozia BILD nuk mund të harrohen sa hap e mbyll sytë, por maxhoranca dhe më konkretisht qeveria Rama ka gjithmonë diçka inovative në mendje me të cilën mund të harrosh përgjimet.
Rezultati i numërimit të votave, në thuajse gjithë bashkitë, është më shumë se sa Tërmet. Tronditja më e madhe që ka përjetuar ndonjëherë politika shqiptare, ku në demokracinë tonë të brishtë, edhe pse 30 vjeçare, vidhen vota edhe kur s’ke kundërshtar.
Në disa Bashki të vendit manipulimi i votimeve të organizuara, votuara, kontrolluara dhe numëruara nga një parti e vetme po shpërfaqet qartazi. Deri më tani anomalitë qesharake janë vërejtur në Urën Vajgurore, në Malësinë e madhe dhe Divjakës.
Pas shpalljes së rezultateve përfundimtare në Bashkinë e Urës Vajgurore, është evidentuar një mospajtim mes treguesve të pjesëmarrësve në votim dhe të totalit të votave.
Kandidatja e Partisë Socialiste, Juliana Mema (në foto në mes me Ramën), që garoi për të fituar një mandat të dytë si kryebashkiake.
U shpall fituese me 7,666 vota, ndërkohë që numri i votuesve i bërë i ditur nga organi zgjedhor mbrëmjen e djeshme pas mbylljes së votimit, ishte 5900 (Tabela e parë poshtë).
Më poshtë tabelat e KQZ-së për pjesëmarrjen në votim dhe për rezultatet përfundimtare:
