Ish-deputeti demokrat, Oerd Bylykbashi, e quan një disfatë të madhe rezultatin që sollën votimet moniste të Rilindjes ditën e sotme.
Sipas tij edhe pse Rama u angazhua me të gjitha strukturat për të blerë votues, për të rritur fiktivisht numrin e tyre, ai mori një përgjigje të qartë nga 1 milionë shqiptarë të cilët e bojkotuan.
Ja postimi i Bylykbashit:
Nje milion gishta
Bleu me para pjesmarrjen ne votim si asnjehere tjeter, ushtroi presion mbi zgjedhesit vecanerisht bizneset qe te dilnin ne votim, angazhoi te gjitha bandat e krimineleve, kercenoi administraten per te votuar me gjithe familje ose fluturonin nga puna, perdori te gjithe makinerine shteterore bashke me policine e Lleshit, manipuloi listat, i la zgjedhesit pa karta identiteti, kandidoi si kukudh i vetem, doli si karagjoz ne fushate me barsaleta, ia shpifi shqiptareve duke i ndenjur si poster ne ekranin e TV, grabiti KQZ dhe cdo komision zgjedhor, rrahu me veting Kolegjin Zgjedhor.
Rezultati: me shume se nje milion gishta te ngritur ne shenje refuzimi! Shqiptaret jo thjesht e braktisen. Ata e perbuzen!
Durresi eshte shembulli. Me rreth 14 perqind ia dha mbrapsh turinjve Rames, Dakos, skotes se tyre dhe banditeve qe mbajne rrotull.
Kjo farse e 30 qershorit do te fshihet si pluhur mbi xham dhe shqiptaret do kene zgjedhje te lira e te ndershme. Thjesht Rama do te kacavirret mbi kete xham edhe per pak.