Në Shkodër dhe Pogradec nuk ka nisur votimi në disa prej qendrave të votimit. Të dy këto bashki drejtohen aktualisht nga përfaqësues të opozitës, që kanë mbështetur dekretin e Presidentit për anullimin e procesit gjatë ditës së sotme.
Në Shkodër nuk janë hapur 16 qendra votimi, përkatësisht në ZAZ 2, 3 dhe 4.
Ndërkohë në Pogradec janë të paktën 20 qendra votimi që nuk ka nisur ende votimi për shkak të mungesës së komisionerëve.
Nga raportimet mësohet se në Fier dhe Elbasan janë hapur qendrat e votimit dhe nuk ka pasur probleme.
