I qeshur, me syze në dorë dhe i veshur ‘casual’ me xhinse e bluzë ish-kryebashkiaku i Kavajës, Elvis Rroshi ka shkuar në qendrën e votimit për të ushtruar të drejtën me bashkëshorten e tij. Një nga emrat më të përfolur gjatë qeverisjes Rama 1, ku u akuza për falsifikim emri dhe fshehje të dënimeve të mëparshme me luftën për dekriminalizimin e deputetëve dhe zyrtarëve të qeverisë, është shfaqur i qetë teksa ka hedhur në të dyja kutitë votën e tij.
Rroshi ka votuar në Qendrën e Votimit të vendosur në shkollën “Tre dëshmorët”. Deri tani procesi i votimit ka shkuar i qetë, ndërsa pjesëmarrja ka qenë e ulët si në të gjitha bashkitë. Megjithatë, kuriozë mbetemi të dimë me cilën prej identiteteve ka votuar ai…Ervin, Ervis apo Elvis.
