Ish-kryeministri Sali Berisha ka postuar në rrjet denoncimin e një qytetari, sipas të cilit Edi Rama po manipulon votimet në periferi të Tiranës.
Sipas qytetarit, tre qendra votimi të vendosura njëra pas tjetrës nuk kanë asnjë informacion, as emra, as listë zgjedhësish dhe asnjë tabelë.
“Ja “qendrat” e” votimit” të manipulimit të narkofarsës së monstrës se pluralizmit Edvin Kristaq Krimi. Ndiqni denoncimin e qytetarit! Sb”, shkruan Berisha.
“Me këtë video doja tju shpjegoja qartë çfarë bëhet dhe si do bëhen zgjedhjet nesër dhe si do manipulohen zgjedhjet nesër. Të them të drejtën shumë njerëz janë skeptikë, thonë po si do manipulohen. Unë ndodhem në lagjen time, ku prej shumë vitesh janë mbajtur zgjedhjet si lokale dhe ato qendrore. prej një jave shoh që këtu ku ndodhem unë janë tre qendrat e votimit, të lagjes Babrru Shpat. Siç e shikoni është kjo godina këtu. Atëherë nuk e di nëse dallohet mirë një është kjo këtu, tjetra kjo këtu dhe e treta është aty matanë, është një derë e vogël dhe një ndërtesë pas saj.
Të them të drejtën nuk e kuptoj, nuk kemi as tabela, nuk kemi as indicie, të paktën për votuesit e Babrru Shpatit. Në këto tre qendra votimi votojnë diku tek 1800 votues nga 3200 që është lista dhe sot, pak orë nga zgjedhjet lokale të quajtura nga Edi Rama dhe nuk ka as tabelë, as lista, as emra, as polici, asgjë. Doja ta ndaja me ju këtë video. Banorët e Babrru Shpatit nesër nuk votojnë. Me këtë e faktoj, me qendrat e votimit. Zoti Edi Rama ka vendosur që me listat tona ti vulosë e firmosë e vetë kutitë. Kjo është zgjedhja e Ramës. Qendrat e votimit nuk ndodhen në asnjë vend”, thotë qytetari në fjalë.
