Martin Henze i është përgjigjur kryeministrit Edi Rama, sipas të cilit gjermani që këshillon Lulzim Bashën nuk është këshilltar ekonomik i kancelares, Angela Merkel.
Madje, Rama ka ironizuar Bashën, duke shkruar në rrjet “O Artist po ç’bëhet kështu o vëlla, po edhe për atë “kryekëshilltarin e Merkelit” paske gënjyer mor burrë! Për atë Martin Hemcen e kam llafin që CDU thotë tani s’e njohim fare(!), kurse ti na pate thënë se ai bëri programin bombastik ekonomik të PD me porosi direkt nga Merkeli!”
“Z. Rama, ata duhet të merren më tepër me përgjimet e fshehta, ashtu siç tha kolegu i gazetës Bild, “mafia nuk e heton vetë, qeveria e Ramës është mafia”, shkruan Henze në reagimin e tij, në postimin e Ramës.
