Në ditë normale, kur nuk ka komision apo seancë parlamentare, deputetët në përgjithësi kanë tendenca për t’u veshur sa më sportiv. Sidomos kur fillon stina e nxehtë, veshja komode bëhet shumë e domosdoshme.
Në fakt, ish-ministri i Energjitikës dhe Transportit, Damian Gjiknuri, filloi të kalojë pak në version sportiv që në seancat parlamentare. Me atlete, pantallona xhins, xhaketë të lehtë dhe pa kollare, ai u shfaq në seancën e fundit parlamentare.
Ndërsa në këtë foto të kapur nga paparazzi ynë në një nga rrugët e zonës së ish-Bllokut, zoti Gjiknuri është shfaqur me veshje shumë sportive. Me pantallona të çelëta doku, atlete dhe bluzë pambuku me stampë, ai dukej si njeri tjetër.
Në ecjen e tij në këmbë, i bënte shoqëri një anëtar i KQZ-së, Bledar Skënderi. Kujtojmë që socialistët këto kohë kanë qenë në fushatë, ndërkohë që opozita e bashkuar e ka refuzuar pjesëmarrjen në këto zgjedhje.
/Panorama Plus/
