Deputetja Rudina Hajdari dhe zëdhënësi i Presidentit, Tedi Blushi, janë përfshirë në një debat në distancë, 1 ditë para votimeve të 30 qershorit.
Ka qenë deputetja Hajdari, e cila ka ironizuar Presidentin Ilir Meta, lidhur me takimet që ai ka ndërmarrë ditët e fundit, para se të dekretonte datën e re të zgjedhjeve vendore.
“Sa turp! Presidenti jonë takohet me nënkryetarin e LSI-së dhe ish nënpunësin e tij se nuk takon dot gruan e tij si kryetare e LSI-së, ndërkohë nuk ka bërë asnjë tentativë për tu takuar me asnjë deputet të opozitës brenda Kuvendit të Shqipërisë dhe pretendon se është i paanshëm”, shkruajti Hajdari.
Pas këtij komenti, ka reaguar zëdhënësi i Presidentit, Tedi Blushi.
“I zhgënjyer shumë që Rudina nuk po e respekton “heshtjen zgjedhore” të partisë së saj të re që shkon nesër në votime.
Megjithatë e mirëkuptojmë për shpërdorimin që i bën mbiemrit Hajdari, të paktën derisa t’i kalojë mami vettingun”, shkruan ai.
