“Fatkeqësi e madhe. Eksponentët e Partisë Socialiste e kanë shumë me rendësi që këto ditë me u vra dikush në Shqipëri, në mënyre që Mathew Palmer, ose dikush prej ndërkombëtareve, me e fajëso opozitën. Jeta e çdo shqiptari të humbur për Edi Ramën është mundësi e mirë politike”.
Deklarata bëhet nga gazetari Berat Buzhala, në një postim në Facebook. Ai ndalet edhe te reagimet nga SHBA lidhur me krizën politike në vend dhe votimet që Rama këmbëngul se do zhvillohen më 30 qershor. Edhe pse data është rrëzuar nga Presidenti Ilir Meta. Kreu i shtetit ka dekretuar 13 tetorin si datën e re të zgjedhjeve lokale.
“Sa i përket preokupimit amerikan për demokracinë: Donald Trump para disa ditësh e priti në Dhomën Ovale Viktor Orbanin e Hungarisë, i cili shtetin e tij, sipas Freedom House, e ka shndërru në një shtet gjysmë të lirë. I vetmi vend në BE me ketë status.
‘Unë dhe Viktor jemi përafërsisht të njëjtë’, tha Trump kur e takoi Orbanin.
E tash, partia në pushtet në Shqipëri mesazhet e kësaj administrate i merr seriozisht, por jo edhe ato të Eliot Engel.
Mos harroni: në zgjedhjet e të dielës mbi 50 për qind e kandidatëve të PS-së garojnë pa kundërkandidat”, shkruan Buzhala.
