Ditën e sotme është ndarë nga jeta poeti lab Nertesi Asllani. Ai është vlerësuar me titullin ‘Mjeshtëri i Madh’ dhe ka shkruar tekstet e shumë këngëve labe.
Lajmin për ndarjen nga jeta të Asllanit e ka dhënë gazetari i njohur nga Vlora, Ergys Alushi.
Përmes një statusi në ‘Facebook’, Alushi shprehet se Nertes Asllani ishte ndër të fundit të mbetur mbi tokë të racës së rapsodëve lab.
‘Ai ishte ndër të fundit të mbetur mbi tokë të racës së rapsodëve lab. Shuhet Nertesi Asllani. Poeti lab bolenas i gjithë Labërisë Me dhjetra këngë labe kanë tekstet e bukura të Nertesiut, që këndohen në gëzime labërish e festivale të ndryshme. Ai ishte ‘Mjeshtri i Madh’ Vdekja e tij e parakohshme do të jetë një humbje e nadhe për familjen, Bolenën dhe për folklorin e Labërisë. Lamtumirë rapsod’, shkruan Alushi.
