Ministri i Brendshëm, Sandër Lleshaj i ka hedhur benzinë zjarrit teksa njoftoi shkarkimin nga detyra të kryebashkiakut të Vaut të Dejës, Zef Hila.
Por a është e mundur ligjërisht kjo lëvizje e ministrit të njohur për përdorimin në masë të gazit lotsjellës në protesta dhe aksione policore?
Në nenin 42 të ligjit 86, 52, “Për organizimin dhe funksionimin e qeverisjes vendore”, janë parashikuar rastet e shkarkimit të kryetarëve të bashkive.
Këshilli i Ministrave ka të drejtën e shkarkimit të një kryetari bashkie apo komune në tre raste: në rastin kur kemi të bëjmë me shkelje të rënda të Kushtetutës dhe të ligjeve, në rastin kur ky titullar është dënuar me një vendim të formës së prerë të një gjykate, ose në rastin kur propozohet nga këshilli përkatës për shkarkim për mosparaqitje në detyrë për në periudhë me shumë se tre muaj.
Në rastin konkret, Hila thjesht ka zbatuar një dekrete të Presidentit të Republikës, që rrëzoi 30 qershorin dhe caktoi 13 tetorin si datën e re të zgjedhjeve lokale.
