Avokati i njohur, Ledio Braho, i ftuar në ‘Kafe In’, ka analizuar situatën politike dhe përplasjet kushtetuese mes presidentit dhe kryeministrit.
Braho ka deklaruar se ligjërisht 30 qershori është një datë nul, pasi presidenti ka dekretuar 13 tetorin si datën e re të zgjedhjeve lokale.
Por sipas avokatit, edhe 13 tetori, do të sjellë të njëjtin produkt si 30 Qershori, nëse opozita nuk futet sërish në zgjedhje, pasi sërish nuk do të kemi zgjedhje, por vetëm votime.
‘Votime ka patur edhe para 90-së, dhe rezultati dihej fitonte e njëjta parti gjithmonë 99.9 përqind. E njëjta situatë është edhe ajo e 30 qershorit. Edhe sa i përket 13 tetor, ashtu siç tha edhe Basha e njëjta gjë do të jetë po të jetë akoma Rama kryeministër. Duhet të themi që 30 Qershori nuk është datë zgjedhjesh, sepse u zhdekretua nga presidenti. Ndërkohë që 13 Tetori, sigurisht është një datë ligjore, pasi e ka dekretuar presidenti, pavarësisht atij vendimi të Kolegjit Zgjedhor, i cili kishte marrë Copy-Paste vendimin e KQZ-së. Jo vetëm kaq, por Kolegji Zgjedhor, nuk e kishte thirrur Presidentin si palë në Gjykim. Si mund të rrezojë dekretin pa e thirrur si palë në gjykim’, deklaroi Braho.
Ndërsa i pyetur nga moderatori i emisionit, Flavio Qarri, nëse do të votojë në 30 Qershor? Braho është përgjigjur: Jo.
Pjesë nga intervista:
Qarri: A do të votosh në 30 qershor?
Braho: Apsolutisht që jo..
Qarri: PO në 13 tetor?
Braho: Edhe atëherë nëse do të ketë vetëm një kandidat, edhe nëse ky ëhstë i opozitës nuk do të votoj.
