Protesta po zhvillohen në disa qytete të vendit pasditen e sotme.
Kryeministri Edi Rama është pritur me protesta në Fier, ku po zhvillon një takim elektoral në kuadër të zgjedhjeve lokale të 30 qershorit, edhe pse data është rrëzuar nga Presidenti Ilir Meta i cili ka vendosur me dekret 13 tetorin si datën e re të zgjedhjeve lokale.
Në Shkodër, Berat e Elbasan ka gjithashtu protesta. Në këto qytete, qytetarë dhe mbështetës të opozitës, me pankarta në duar dhe thirrje kundër kryeministrit Edi Rama po protestojnë para KZAZ-ve. Ata kërkojnë njohjen e dekretit të Presidentit Meta dhe largimin e materialeve zgjedhore. Ndërsa forca të shumta policia ndodhen pranë KZAZ-ve për të mbrojtur materialet zgjedhore.
Në Shkodër, raportohet se KZAZ-së numër 6 në Bushat i është vënë flaka materialeve zgjedhore. Ka pasur përplasje të protestuve me policinë dhe janë hedhur molotovë. Raportohet për 2 efektivë policie të plagosur.
