Kryetari i grupit parlamentar të PS-së Taulant Balla parashikon se Ilir Meta mund të marrë sërish drejtimin e LSI-së.
I ftuar në emisionin Top Talk në Top Channel, Balla tha i pyet “pse nuk pranoni të bëni gjendje ku të jenë të gjitha palë”.
“Patjetër kur të jenë zgjedhjet e përgjithshme në vitin 2021 do ti uroja PD çfarë do ketë mbetur deri atëherë, ose LSI nëse do jetë parti deri atëherë ose do ketë Ilir Metën kryetarin e ri të saj që të shullohen në diell në korrik e gusht gjatë pushimeve të verës dhe në shtator të takojnë elektoratin”, tha ai.
Presidenti i Republikës njoftoi këtë të enjte dekretin për datën e re të zgjedhjeve lokale: 13 tetor 2019. Ndërsa nga qeveria vijon të këmbëngulet se zgjedhjet do të mbahen më 30 qershor.
