Një vajzë 11 vjeçare është dhunuar në Gjermani nga një person i cili kishte vendosur një maskë të ujkut.
Viktima ishte kapur dhe dërguar në shkurre, e pastaj ishte sulmuar seksualisht në qytezën Obergiesing, në periferi të Munih, raporton Daily Mail.
Personi i maskuar ia kishte mbajtur vajzës gojën e mbyllur dhe e kishte kërcënuar me hakmarrje ndaj familjes së saj, në rast se ajo do të raportonte.
Gjithsesi, ajo it ha nënës, e cila e informoi policinë, të cilët menjëherë i filluan kërkimet.
Policia tha se ata kanë arrestuar një person 43 vjeçar.
I dyshuari, shtetas gjerman, që jeton në Munih, do të shfaqet para një gjyqi hetues të nesërmen.
Detektivët thanë që kanë bërë një hetim intensiv dhe kanë vepruar në bazë të burimeve dhe provave në vendin e ngjarjes.
Zyrtarët e policisë u dërguan edhe në shkolla dhe në institucione tjera ku gjenden fëmijët, në mënyrë që ta mbajnë rendin publik.
Ata madje publikuan edhe një maskë, të ngjashme me atë të cilën e kishte përdorur sulmuesi.
