Presidenti Ilir Meta ka caktuar datën 13 tetor si ditën kur do të zhvillohen zgjedhjet e përgjithshme vendore gjithëpërfshirëse.
Meta sqaroi se kjo është data më e shpejtë për organizimin e zgjedhjeve, duke respektuar afatet ligjore dhe gjithëpërfshirëse.
Meta tha se një nga arsyet sepse ka vendosur 13 tetorin është fakti se në datat 17-18 tetor pritet vendimi për hapjen e negociatave.
“Zgjedhjet më 13 tetor u japing palëve mundësi që të reflektojnë dhe të heqin dorë nga qëndrimet maksimaliste.
Jam i sigurtë që zgjedhjet më 13 tetor do të zhvillohen me kandidatë alternativë, për këtë ju siguroj që në asnjë bashki nuk do të ndodhë që mos ketë kandidatë alternativë”, tha Meta.
Ai shtoi se nuk ka asnjë tagër për të detyruar palët të hyjnë në zgjedhje, por shtoi se palët kanë kohën e nevojshme për të reflektuar.
Presidenti theksoi se me 30 qershor nuk ka zgjedhje ligjore dhe shtetërore, duke shtuar se shpreson që të ketë një reflektim nga palët.
“Dua ta nis këtë konferencë të veçantë shtypi duke iu njohur me dekretin për datën e re të zgjedhjeve vendore që është 13 tetori.
Është dita më e shpejtë për të organizuar zgjedhje vendore.
Arsyeja e pare është kjo.
Arsyeja e dytë, sikurse e kam nënvizuar e kam theksuar edhe para jush ne shpjegimet Kushtetuese e logjike te atij anulimi, një nga arsyet kryesore ka te beje me garantimin e vazhdimësisë së integrimit evropian të mos shkëputjes së Shqipërisë nga Maqedonia Veriore’, tha Presidenti Ilir Meta.
‘Për fat të keq kemi humbur mjaft kohë, por për fat të mirë ende në axhendën e BE është ende për të marrë vendim për të dyja vendet ën tetor. Këshilli i BE është në 17-18 tetor dhe dhe duke zgjedhur 13 tetorin si datën më të shpejtë për zgjedhje gjithpërfshirëse për të gjithë ata që duan të marrin pjesë.
Këto qenë dy arsyet kryesore”, tha Presidenti.