Presidenti Ilir Meta ka zhvilluar një tjetër takim në Presidencë, pas atij me kreun demokrat, Lulzim Basha.
Në kuadrin e diskutimeve mbi gjetjen e një zgjidhjeje për krizën politike në vend, Meta ka ftuar drejtues të partive politike në takime.
Pas Bashës, takim i cili zgjarti vetëm 23 minuta, Presidenti ka pritur nënkryetarin e LSI-së, Petrit Vasilin, i cili ka qenë një ndër bashkëpunëtorët e ngushtë të Metës gjatë kohës që ka drejtuar LSI.
Ndërkohë, kryeministri Edi Rama ka refuzuar takimin, ndërsa ka zgjedhur të shkojë në një palestër të bëjë not, në kohën kur Meta dhe Basha takoheshin në Presidencë.
