Një kallëzim penal ndaj ministriut të Brendshëm, Sandër Lleshaj dhe dhe punonjës të Policisë së Shtetit për “shpërdorim detyre” është depozituar në Prokurori nga ana e bashkisë së Shkodrës.
Kallëzimi është bërë pas përplasjeve mes protestuesve dhe policisë në qytetin e Shkodrës në ditën kur PS mbante mitingun në këtë qytet.
Në njoftimin e Bashkisë së Shkodrës thuhet gjithashtu se është kërkuar pezullimi i ushtrimit të detyrës publike për personat e kallëzuar.
“Nga ana e punonjësve të Policisë së Shtetit dhe punonjësve të Drejtorisë së Policisë Vendore Shkodër, është hedhur masivisht gazi me lëndë helmuese mbi qytetaret të cilët po manifiestonin paqësisht në qytetin e tyre, situatë e cila është pasqyruar direkt live në mediat Lokale dhe Kombëtare”, thuhet ndër të tjera në kallëzim.