Drejtoria Rajonale e AKU Tiranë ka ushtruar kontrolle në dy subjekte, ndërsa janë vendosur 6 gjoba me vlerë totale 3.15 milion lekë. Gjithashtu janë bllokuar dhjetra kilogram produkte ushqimore me afat të kaluar përdorimi, njoftoi AKU.
Sipas një komunikimi me mediat, AKU ka kryer kontrolle zyrtare në dy subjekte në Rrogozhinë dhe Spille nga të cilat ka rezultuar se:
Nga kontrolli i ushtruar në subjektin “Ardit Balliu” me aktivitet “Supermarket SPAR”, Rrogozhinë, u konstatua se subjekti ushtronte aktivitetin i papajisur me liçensë në veprimtarinë përkatëse “shitje me shumicë e produkteve me origjinë shtazore për njerëz (supermarket)” (kategoria II,1,B).
Në momentin e kontrollit në subjekt u konstuan produkte të pa etiketuara në gjuhën shqipe (vaj misri, vaj kikiriku, majonezë, salcë domateje, makarona, miell). Gjithashtu u konstatua një sasi prej 5 kg mocarela pa etiketë dhe pa dokumentacion shoqërues si dhe një sërë produktesh ushqimore me afat të kaluar përdorimi (çokollatë, mini Croisant etj).
(Marketi eshte Franchize dhe menaxhohej nga nje individ).
Për shkeljet e konstatuara AKU mori masat e mëposhtme:
Gjobë 2,000,000 lekë për ushtrim të aktivitetit pa disponuar licensën përkatëse,
Gjobë 300,000 lekë për hedhjen në treg të produkteve me afat të kaluar përdorimi,
Gjobë 100,000 lekë për mungesë të sistemit të gjurmueshmërisë,
Gjobë 50,000 lekë për etiketim në kundërshtim me ligjin,
U bë bllokimi i produkteve të pasigurta për konsum me qëllim asgjesimin e tyre.
Nga kontrolli i ushtruar në subjektin “Misir Hoxha” Spille, u konstatua se subjekti ushtron aktivitetin si qebabtore i parregjistruar (pa nipt). Aktiviteti ushtrohej në një ambjent të hapur dhe jashtë kushteve higjeno–sanitare (pajisjet që përdoreshin për gatim kishin prezencë ndryshku). Në momentin e kontrollit në subjekt u konstatuan produkte ushqimore, kryesisht pula e qofte të ambalazhuara pa dokumentacion shoqërues (faturë tatimore dhe raport analiza përkatëse apo certifikatë veterinare).
Për shkeljet e konstatuara AKU mori masat e mëposhtme:
Gjobë 500,000 lekë për mungesë të kushteve higjeno-sanitare,
Gjobë 200,000 lekë për mungesë të sistemit të gjurmueshmërisë,
U mor masa e bllokimt të menjëhershëm të aktivitetit si dhe u bë bllokimi i produkteve të konstatuara si të pasigurta për konsum. /Alertnews/
AlertNews.al