Kongresmeni amerikan, Eliot Engel ka bërë thirrje që palët politike në Shqipëri t’i zgjidhin mosmarrëveshjet me anë të dialogut.
Në një deklaratë mbi situatën politike në Shqipëri, që vjen pas dekretit të ri të Presidentit Meta për datën e re të zgjedhjeve, Engel thotë se Shqipëria ka bërë hapa të mëdha që prej rënies së komunizmit, por shprehet i shqetësuar për situatën e fundit politike në vend.
“Unë jam shumë i shqetësuar nga ajo që dëshmoj në ditët dhe javët e fundit, pasi udhëheqësit politikë shqiptarë duket se kanë arritur një bllokim politik. Në një përpjekje për të zvogëluar tensionet dhe për t’u larguar nga konfrontimet, u bëj thirrje të gjitha palëve të ushtrojnë kufizimet më të mëdha dhe të ndalojnë të gjitha aktet e dhunës. Kjo mosmarrëveshje mund të zgjidhet vetëm me dialog dhe sipas sundimit të ligjit. Shqipëria është anëtare e NATO-s dhe meriton një të ardhme evropiane, por krizat e përsëritura rreth zgjedhjeve minojnë rrugën përpara. Unë i bëj thirrje popullit shqiptar të rifitojë veten për një angazhim politik paqësor dhe për një proces zgjedhor të denjë për një anëtar të familjes demokratike të Atlantikut të Veriut dhe kombeve demokratik”, thuhet në deklaratë.
