Pas takimit me Presidentin Ilir Meta, kreu i LZHK-së, Dashamir Shehi, tha se kishin diskutuar me Presidentin mbi rrugët e uljes së tensioneve politike në vend.
Shehi tha se në mbrëmje mund të ketë një deklaratë të përbashkët të të gjithë aktorëve dhe faktorëve politikë që sot zhvilluan takime me Presidentin Ilir Meta.
“Më 30 qershor ligjërisht nuk ka zgjedhje, ndaj këto takime i shërbejnë gjetjes së një zgjidhjeje dhe përmbushjes së kushteve për caktimin e një date të re për zgjedhjet, përfshi këtu edhe përmbushjen e disa kushteve për mbajtjen e këtyre zgjedhjeve.
E rëndësishme është që deri në tetor, kohë kur do të ketë një vendim mbi negociatat me BE-në, të kemi një çtensionim të situatës”, tha Shehi.
Ndërkohë mësohet se në takim është diskutuar mbi mundësinë e një date të re për mbajtjen e zgjedhjeve, që mund të jetë muaji tetor.
