Policia e Kolonjës në bashkëpunim me Specialistët e Seksionit për Hetimin e Narkotikëve dhe Trafiqeve, kanë vënë në pranga tre persona.
Gjatë kontrollit që kanë ushtruar në tokat në pronësi të B.Z, 55 vjeç dhe B.Z, 27 vjeç, (at e bir), banues në Skorovot, Kolonjë janë gjetur të kultivuara në gota plastike një sasi fidanësh të dyshuar si Cannabis Sativa, si dhe në banesën e 55-vjeçarit, iu gjetën një sasi farash të dyshuara si Cannabis Sativa, 17 copë fishekë luftarak, aksesorë të ndryshëm elektrik që dyshohet se përdoreshin nga të dy këta shtetas për kultivimin e bimëve narkotike, të cilat u sekuestruan në cilësinë e provës materiale.
Në pranga ka rënë dhe kryeplaku i fshatit, N.L, 62 vjeç pasi dyshohet se ka shpërdoruar detyrën, duke mos kallëzuar këtë veprimtari kriminale pranë organeve të Policisë.
Dy shtetasit (babë e bir) akuzohen për veprat penale “Kultivimi i bimëve narkotike” dhe “Mbajtja pa leje dhe prodhimi i armëve, armëve shpërthyese dhe i municionit” kryer në bashkëpunim.
Materialet në ngarkim të tyre i kaluan Prokurorisë të Rrethit Gjyqësor Korçë.
