Kryetari i Bashkisë së Kamzës, Xhelal Mziu përmes një postimi në rrjetet sociale i ka bërë apel të gjithë qytetarëve të bashkohen në tubimet e PD-së nga data 27 qershor 2019 deri në 2 korrik 2019, për mbrojtjen e votës së lirë dhe për t’i thënë “Stop Krimit”.
Postimi
“Bashkia e Kamzës i bën thirrje të gjithë qytetarëve të bashkohen për t’i thënë “Stop Krimit”, në mbrojtje të institucioneve publike, Kushtetutës dhe lirive e të drejtave themelore të mbarë njerëzimit.
Ne ftojmë mbarë qytetarët e Bashkisë Kamëz për t’ju bashkuar thirrjes njerzore “Në Kamëz të gjithë bashkë për mbrojtjen e votës së lirë”, “Stop Krimit”, duke e realizuar me një takim qytetar nga data 27 qershor 2019 deri në 2 korrik 2019, nga ora 7;00 deri në 19:00.
Duke u bashkuar të gjithë ndaj një të keqeje të madhe që ka pllakosur Shqipërinë, të gjithë do t’ja dalim për të fituar një herë e përgjithmonë liritë tona.
Zoti ju bekoftë!”
