Nga Boldnews.al
Duhet pranuar. Ai është gjeni në politikë, nuk ka një të dytë të krahasueshëm me kryeministrin tonë, në Europë jo e jo, po as në ballkanin e trazueshëm. Ai ka bërë atë që askush nuk do ia arrinte. Erdhi në pushtet në një proces të qetë. U mburr se kundërshtarit i dha “1 milionë shuplaka” dhe nisi epokën e tij, me qëllim të qartë: “Ta kthejë vendin pas kohë, ta fusë vendin në një ankth të pafundëm dhe në depresion të vazhdueshëm që nuk ka kurë që e ndal”.
Sot qytetarët nuk diskutojnë më për liritë dhe të drejtat themelore, por janë në kufijtë e ekzistencialistetit. A do ketë dhunë, a do na terrorizojë policia, a do na burgosë Edi, a do na izolojë për të mos udhëtuar jashtë vendit?! Pyetje dhe pikëpyetje që vetëm një njeri e jep përgjigjen, ai është kryeministri i shumëpushtetshmi, që ngjan me një “Sulltan Osman”.
Vendi është në pragun e një katastrofe njerëzore, kur më 30 qershor një pjesë do ikin si “Revolucionar” duke kënduar për Rilindjen, grupimi i dytë pritet të protestojë, ndërsa një palë e tretë do qëndrojë indiferente, duke mos votuar, por tentuar të mbrojë sa të mundë familjen dhe veten.
Sot Rama është kthyer në njeriun që të ka në duar “jetën dhe vdekjen”. Vetëm izmi i tij është i plotfuqishëm, e madje ky diktator në gen e në veprime, sot po e shet veten si njeriun që po bën shtet, që i përmbahet ligjit, Kushtetutës dhe parimeve demokratike.
Këtë e bën në sy të një pjese të ndërkombëtarëve që vetullat ua kanë zënë sytë të shohin dhe po luajnë fort rrezikshëm me një popull që është përdorur si “kavje eksperimentale”. Sot kryelaboranti i ka futur qytetarët në një “laborator” të madh dhe në gjashtë vite ka punuar për të krijuar tre shtresa: krijimin e ‘njeriut të ri’, që personifikohen me Rilindasit e tij, (njerëz me mendje të shpëlarë nga propaganda Edviniane); kategoria e dytë që janë kundërshtarët, të cilët sot i kërcënon me burg, raprezaplje, izolim dhe një kategori të tretë që tenton ta mbajë sa më indiferente, që të mos bëhet pjesë as e grupimit Rilindas, por as e pjesës kundërshtare.
Më 30 qershor ai ka “eksperimentin e madh” me qytetarët shqiptarë. Rilindasit e tij do i shpërndajë nëpër kutitë e votimit, forcën policore do e ketë të gatshme për të kryer raprezapje, ndërsa kundërshtarët që mund të protestojnë do shohin derën e qelive të tejmbushura të burgjeve. Sa ka bërë në këto gjashtë vite…
Shqipërinë në NATO, Edi e gjeti gati, lëvizjen e lirë të qytetarëve pa viza në Europë gjithashtu, procesin e integrimit të Shqipërisë në BE në faza të avancuara, por në gjashtë vite qeverisje të tij ka bërë gjithçka për tu kthyer pas. Sot vendi i NATO-s rrezikon destabilizimin politik dhe civil, disa shtete të Europës po mendojnë seriozisht për të kthyer regjimin e vizave dhe integrimi ka mbetur në vend.
