Kryeministri Edi Rama e krahasoi Presidentin Ilir Meta me Haxhi Qamilin.
Nga takimi elektoral në Tropojë, Rama tha se “Ilir Meta ka marrë përsipër pjesën e dhunës institucionale, ka marrë përsipër molotovët institucionalë, ka marrë përsipër ti gjuajë me molotovë dekretesh zgjedhjeve, ka marrë përsipër ti gjuajë me molotovë fjalësh nga zyra parlamentit, gjykatave, Amerikës, Europës”.
“E pse si tha, ‘s’kam anulu zgjedhjet në Amerikë të pyesim Amerikën, as ne Itali të pyesim Italinë, domethënë sa te kem Lulin dhe Monikën s’pyet për Italinë dhe Amerikën. Haxhi Qamili kur mori kot i thanë ‘po e tepron’, ‘sa të kem Shijakun dhe Kavajën’, tha s’pyes as për Francën as për Anglinë. Ca ti bësh, është ky vend që e rrotullon dhe e nxjerr nga një Haxhi Qamil. S’është një janë disa”, shtoi Rama.
Rama ironizoi edhe argumentet e kreut të shtetit për rrëzimin e 30 qershorit si datën e zgjedhjeve lokale.
“Kur dëgjoj Metën ‘dua të ndaloj vëlla vrasjen’, ndalo fallxhoren mo vlla, thuaj deri në 30 qershor s’ka më kafe turke dhe s’ka asnjë problem. Dhe Lulin e ndalon ai baba i demokratëve, i thotë ‘lul në shtëpi deri më datë 30’”, u shpreh.
