Kreu i PAA-së, Agron Duka, një prej aleatëve të Lulzim Bashës, ka reaguar lidhur me vendimin e Kolegjrit Zgjedhor, që një ditë më parë la në fuqi 30 qershorin si datë zgjedhjesh.
Duka shkruan në rrjet se vendimi nuk ishte surprizë. Në fakt një vendim i tillë u paralajmërua edhe nga PD dy ditë më parë.
“Asnjë surprizë nga Kolegji Zgjedhor, të dielën Shqipëria do të votojë ashtu siç votohet në Korenë e Veriut!”, shkruan Duka.
Në votimet e 30 qershorit, përballë kandidatëve të Rilindjes nuk ka alternativa, pra kandidatë të tjerë, pasi opozita nuk u regjistrua në këtë proces duke e kushtëzuar me largimin e Edi Ramës nga posti i kryeministrit.
