Modelja ruse, Kinsi Volanski, e cila u bë e famshme, pasi pushtoi fushën e blertë në finalen e Champions-it mes Liverpulit dhe Totenhemit, do të jetë në Prishtinë këtë javë.
22-vjeçarja tashmë numëron një numër të madh fansash në rrjetet sociale, ndërkohë që paguhet për të marrë pjesë në aktivitete promocionale, së bashku me të dashurin e saj.
Volanski do të jetë e ftuar nderi në një tur me makina sportive që do të startojë nga Polonia dhe do të përfundojë në Greqi.
Ditën e enjte ky aktivitet do të ketë ndalesën në Prishtinë, teksa shumë fansa shqiptare do të kenë mundësinë ta takojnë nga afër të ashtuquajturën modelja e finales.
