Presidenti i Republikës, Ilir Meta dha sot një konferencë për mediat, ku analizoi situatën politike në vend, por edhe vendimin e Kolegjit Zgjedhor, që rrëzoi kërkesën e PUK, aleatit të Edi Ramës, për t’u çregjistruar nga zgjedhjet.
Meta theksoi se vendimi i Kolegjit, pavarësisht interpretimeve nuk ka lidhje me dekretin e Presidentit, ndërsa theksoi se zgjedhjet në 30 qershor janë një process imagjinar dhe i paligjshëm.
Pas konferencës për mediat, Meta ka zgjedhur të konsumojë kafen e mëngjesit me përfaqësuesit e mediave që ishin të pranishëm në Presidencë.
Fotot e realizuara nga LSA, tregojnë Kreun e Shtetit, në oborrin e Presidencës, duke qëndruar në shoqërinë e gazetarëve.
