Ministri i Brendshëm Sandër Lleshaj ka folur në emisionin “Opinion” dhe ka deklaruar se më 30 qershorin e zgjedhjeve, ka informacione se grupe të caktuara kriminale mund të tentojnë të prishin rendin publik.
Ka folur për grupe kriminale, por nuk ka përmendur emra.
Lleshaj: Ne jemi te detyruar të shkojmë në zgjedhje, jo të vendosur por të detyruar.
-A keni ju informacione të klasifikuara që mund të ketë probleme
Lleshaj: Probleme mund të ketë, probleme të rendit por jo përplasje civile. Ne kemi informacione që grupe kriminale mund të tentojnë…
-Kë quani grupime kriminale, Bardh Spahinë apo Dhurata Çupin e PD?
Lleshaj: Jo nuk flas me emra. Ka informacione për të patur tentativa për veprimtari kriminale.
-Lideri i opozitës thotë që më 30 qershor nuk do të ketë zgjedhje, pra në interpretimin gazetaresk, drejtuesit e opozitës thonë se do të përplasen për të mos lejuar zgjedhjet.
Lleshaj: Këto deklarata janë absurde. Kush është Lulzim Basha apo unë që të vendosim mbi këtë datë. Nuk do të ketë përplasje civile.
