Kreu i ekzekutivit ishte i ngazëllyer nga fushata e tij elektorale në qytetin e Durrësit. Pasi numroi të gjithë mangësitë e kundërshtarëve dhe punët e mira të qeverisë së tij dhe të bashkive që drejtohen nga të majtët, Rama përmendi në fund të takimit se ishte më I miri, pavarësisht se çfarë ka dalë nga përgjimet.
‘ Sa më shumë përpiqen të ndjellin frikën tek shqiptarët, aq më shumë ata do të treten nga frika e tyre.
Ndërsa ne, e thashë, nuk jemi më të mirët që mund të imagjinohen, por më të mirë se ne nuk ka.
Ne jemi më të mirët sepse ne kemi të drejtën me vete.
E drejta jo gjithmonë dhe pa vështirësi triumfon, por ajo në fund fiton.
Në 30 qershor do të jetë kjo e drejtë.
E drejta jonë sot është e përputhur 100% me atë të popullit shqiptar, në 30 qershor do të triumfojë”, tha Rama.
