Vendimi i Kolegjit Zgjedhor për të mos njohur dekretin e Presidentit lidhur për datën e zgjedhjeve dhe për t’i hapur rrugë votimit në 30 qershor është komentuar edhe nga kryebashkiaku aktual i Tiranës, Erjon Veliaj.
Ai e konsideroi vendimin e Metës për të shfuqizuar datën e zgjedhje një autogol.
“Ilir Meta bëri autogolin e vetëm në karrierën e tij me dekretin për zgjedhjet. Deri dje ka pasur reputacion dhe në këto momente së paku ka konflikt interesi. Mesa duket ka zgjedhur të mos jetë më President i Shqiptarëve.
Sot kemi një datë zgjedhjesh. Nëse ai nuk e mban dot barrën e shkarkimit atherë është më e ndershme që ai të jap dorëheqjen”, tha Veliaj.
