Ish-deputeti demokrat, Luçiano Boçi, ka zbuluar një tjetër risi se si Edi Rama dhe Rilindasit e tij po kërkojnë t’i bëjnë me dhunë zgjedhjet në 30 qershor, edhe pse kjo datë zyrtarisht nuk njihet më si ditë zgjedhjesh.
Përmes një postimi në Facebook, Boçi shkruan se Rama dhe rilindasit ju kanë kërkuar të gjithë shqiptarëve që votojnë në administratë që ditën e zgjedhjeve të çojnë dhe 30 persona të tjetër për të votuar nëse duan të mbajnë vendin e punës.
Ja postimi i Boçit:
RISIA E FUNDIT E RILINDJES
Pasi privatizoi zgjedhjet me vendimin e KQZ-së partisë, Rama ka shpikur një tjetër risi, për të shkuar si “dhi e zgjebosur, por me bishtin përpjetë” në 30 Qershor-in imagjinar të tij.
Ka urdhëruar që të gjithë ata që punojnë në administratë qendrore apo lokale, duhet të sjellin gjithsecili 30 veta në kutinë e votimit.
Kush nuk realizon planin shkarkohet nga puna.
Në vend që të vinin mend nga përgjimet e “Bild”, Rama&banda, kanë shkalluar fare.
Por një porosi kam, për këdo që ka marrë përsipër të realizojë këtë kërkesë absurde, për të ruajtur “bukën e fëmijëve”:
Mos u përfshini në krimin elektoral të Ramës!
Rrini të qetë.
Zgjedhje në 30 qershor nuk ka!