Një aksident me vdekje ka ndodhur në Kamëz të Tiranës orët e para të kësaj të shtunë. Viktimë ka mbetur një grua 53 vjeçe.
“Nga Seksioni OPGJ-ve në Komisariatin Rajonal të Policisë Rrugore Tiranë u bë arrestimi i shtetasit A.M, 32 vjeç, banues në Tiranë. Arrestimi i tij u bë më datë 22.06.2019, rreth orës 01.00, pasi në bulevardin ‘Blu’ në Kamëz, duke drejtuar mjetin tip ‘Volkswagen’ ka aksidentuar këmbësoren shtetasen L.L, 53 vjeçe, e cila si pasojë e plagëve të marra ka ndërruar jetë në spital”, bënë me dije burime zyrtare nga Policia e Tiranës.
“Drejtuesi i mjetit pas aksidentit është larguar, por është identifikuar me anë të kamerave të sigurisë përreth vendit të ngjarjes, i cili më pas është paraqitur vetë në ambientet e Komisariatit të Policisë Rrugore ku dhe u bë arrestimi i tij për veprat penale ‘Shkelja e rregullave të qarkullimit rrugor’ dhe ‘Largimi nga vendi i aksidentit’”, shtuan të njëjtat burime. /BN/
