Stefano Sensi është një hap larg Inter-it. Drejtuesit zikaltër janë takuar sot me administratorin e deleguar të Sassuolo-s, Carnevali, dhe menaxherin e lojtarit, Giuseppe Rio.
Sipas “Calciomercato.com”, palët kanë arritur marrëveshjen dhe Sensi do të transferohet te zikaltrit me formulën e huazimit (5 milionë euro) me të drejtën e blerjes përfundimtare të fiksuar mes 22 dhe 25 milionë eurove.
Në operacion është përfshirë edhe Edoardo Vergani, sulmuesi 18-vjeçar i zikaltërve. Kështu, Inter befason kushërinjtë e Milan-it, të cilët kishin një marrëveshje me lojtarin, por jo me klubin.
Mesfushori 23-vjeçar do të nënshkruajë një kontratë 5-vjeçare me 1.8 milionë euro në sezon.
