Antonio Conte e ka nisur me dorë të hekurt tek Interi. Trajneri do të largojë të gjithë lojtarët që nuk i ka në plane. Numri një i stolit nuk preferon veteranin Borja Valero dhe duket se mundësia i ka ardhur në dorë vjollcëve .
Fiorentina kërkon të rikthejë në “shtëpi” spanjollin dhe Interi do të ishte i lumtur ta shiste. 34-vjeçari nuk ka qenë titullar në “San Siro”, por ka luajtur në 27 ndeshje në kampionat, nga të cilat 12 i ka nisur si titullar.
Para se të largohej tek Interi, Fiorentina e kishte për 5 sezone në ekip. Klubi vjolë duket se do t’i zgjidhë një “hall” ekipit të Contes. Zikaltrit duan 2-3 milion euro për Valeron dhe duket se kjo shifër do të paguhet nga Fiorentina.
