Disa mijëra mbështetës dhe simpatizantë të opozitës janë nisur nga Fieri drejt Tiranës për të marrë pjesë në mitingun e organizuar kundër kryeministrit Edi Rama, protesta e 9 rradhazi në 4 muajt e fundit.
Megjith♪7se nuk ka një shifër zyrtare, sipas të dhënave nga qarku i Fierit drejt Tiranës, janë nisur mbi 3500 qytetarë.
Kreu i PD-së në Fier, Luan Baçi, u shpreh se nuk do lejohet një 30 qershor fars ku Rama të shpallet si një lider i padiskutuar dhe i pavotuar.
“Kjo protestë e radhës synon largimin e qeverisë Rama, garantimin e zgjedhjeve të lira e të ndershme. Tashmë u bë e zakonshme që të jemi në protesta dhe Rama me kokëfortësi po vete drejt 30 qershorit.
Edhe qytetarët e kanë kuptuar që nuk ka zgjedhje në 30 qershor, edhe socialistët e ndershëm e nuk pranojnë të venë në 30 qershor jo më demokratët dhe opozita.
Nuk do lejohet një 30 qershor fars ku Rama të shpallet si një lider i padiskutuar dhe i pavotuar”, tha Baçi.
Kreu demokrat Lulzim Basha i ka bërë thirrje qytetarëve të marrin pjesë masivisht në protestën që do të nisë sot në orën 20:00 para Kryeministrisë. Basha është shprehur se do të jetë në protestë bashkë me dy vajzat e tij, duke dhënë garanci maksimale, se protesta do të jetë paqësore.
