Kryetari i Partisë Demokratike, Lulzim Basha, i ka drejtuar një tjetër mesazh qytetarëve, në prag të protestës që pritet të nisë në orën 20:00 para godinës së Kryeministrisë.
“Të gjithë bashkë sonte në orën 20:00, si njerëz të lirë, si qytetarë me dinjitet, si shqiptarë kurajozë, prindër, motra, vëllezër, bij e bija shqiptarësh, në manifestimin kombëtar të vullnetit tonë të pakthyeshëm për Shqipërinë si gjithë Europa! #ShqipëriaSiEuropa”, shkruan Basha në postimin e tij, që e shoqëron me video.
Mesazhi
“40 mijë shqiptarë janë të pastrehë. Mijëra familje dëbohen nga shtëpia, pa ligj!
Ndërsa:
Milot – Balldren: 260 milionë euro për 17 kilometra.
Boll më me Shqipërinë që duan ata!
Është koha për Shqipërinë e të gjithë shqiptarëve!
Asnjë hap pas!
21 Qershor, ora 20.00
#shqiperiasieuropa”
