Qendra e Shërbimeve Arsimore (QSHA) ka publikuar rezultatet e provimit të gjuhës së huaj për “Maturën Shtetërore 2019”.
“Në provim morën pjesë 36,134 maturantë, u zhvillua në 194 qendra dhe zgjati 2 orë e gjysmë. Nga rezultatet e publikuara rezulton se 3.29 % janë ngelës dhe 96.71% janë kalues”, raporton Ministria e Arsimit.
“Rezultatet e provimeve të Maturës Shtetërore (MSH) për lëndët e tjera do të publikohen sipas afateve të parashikuara në “Rregulloren e MSH 2019”. Ndërkohë, ditën e hënë datë 24 Qershor, 2019 do të zhvillohet edhe provimi i fundit i maturës shtetërore, ai i lëndës me zgjedhje, duke mbyllur kështu edhe ciklin e Maturës Shtetërore 2019. Në provimin e lëndës me zgjedhje do të marrin pjesë 36,220 maturantë”, njofton Ministria.
Gjatë provimeve të zhvilluara, edhe këtë vit, ka pasur shkelje të rregullores. Kujtojmë se janë publikuar në rrjetet sociale tezat e provimit teksa maturantët zhvillonin testimin.
