Kreu i opozitës Lulzim Basha, deklaroi se e vetmja rrugë për të zgjedhur krizën, është largimi i Edi Ramës, burgosja e hajdutëve të votës së lirë dhe zgjedhje të lira dhe të ndershme me qeveri teknike.
‘Zotimi im i 16 shkurtit qëndron. Nuk ka negociata me Edi Ramën kryeministër, nuk do të ketë kriminel pa ndëshkuar. Nuk ka marrëveshje politike me Edi Ramën. Orët dhe ditët e ardhshme janë vendimtare. Këto ditë dhe orë të ardhshme laku do të ngushtohet në qafën e së keqes. Do të ngushtohet sepse e keqja ka rënë në gropën që ka hapur kaq sa vite. Edi Rama ta dijë se pazare me opozitën nuk do të ketë. Do të ketë vetëm një rrugë për të dalë nga kjo krizë, dhe rruga është e përcaktuar në çdo manual kushtetute, në burg hajdutët e votave, qeveri tranzitore pa Edi Ramën, zgjedhje të lira dhe të ndershme, ndryshime Kushtetuese’, tha Basha.
