Në një kohë kur Partia Socialiste po zhvillon një miting elektoral në Shkodër, ku Edi Rama prezantoi kandidatin Valdrin Pjetri, pak metra më tej, mijëra qytetarë shkodranë i janë drejtuar me thirrjet “Rama ik” kryeministrit.
Takimin elektoral të socialistëve e ka nisur ish-ministri i Jashtëm Ditmir Bushati, i cili është edhe drejtuesi politik i socialistëve për qarkun e Shkodrës.
Ndërkohë që kryebashkiakja Voltana Ademi i ka drejtuar një thirrje bashkëpatriotëve të saj në PS, Ditmir Bushati dhe Senida Mesi, që të distancohen nga Edi Rama.
“Si kolegë, si të njohur, si qytetarë të këtij vendi, ju duhet të distancoheni nga krimi, nga përgjimet.
Më vjen zor që edhe ju jeni përkrah këtij krimineli.
Qytetarë të Shkodrës, përtej kordonit, është arrestuar një ish-deputet.
Nuk jemi në kohën e Sul Bushatit. Ai të paktën dëgjonte, nuk vepronte kundër shkodranëve të vet.
Ju nuk mund të burgosni vëllezërit tuaj’, deklaroi Ademi.
