Ish-ministri i Drejtësisë, Ylli Manjani ka dalë kundër nismës ligjore të PS, për ndalimin e lëvizjes jashtë vendit të qytetarëve të përfshirë në vepra penale që lidhen me zgjedhjet.
Në një reagim në Facebook, Manjani shprehet se nisma bie ndesh me Kushtetutën.
“Sa për informacion.
Kërcënimi diktatorial se me ligj nuk do lejojet largimi jashtë shteti, nuk pi ujë sipas Kushtetutës ende në fuqi të Republikës.
Shiheni nenin 38.2 të saj.
Askushi e as ligji nuk mund të ndalojnë lëvizjen e lirë jashtë shteti.
Populli shqiptar ka rënë dakort me këtë Kushtetutë, pikërisht për t’u mbrojtur nga qeveri të qorrollepsura si kjo e sotmja…”, shkruan Manjani.
