Portali frankofon i Ballkanit, “Le Courrier des Balkans” i ka kushtuar një artikull situatës së vështirë që po kalon Shqipëria.
Me titullin : “Zgjedhjet vendore, a do të përfshihet Shqipëria nga dhuna” në artikull shkruhet se situata është e nxehtë në Shqipëri në prag të 30 qershorit dhe se ka përplasje të forta në prag të zgjedhjeve vendore.
“Sa më shumë afrohet data e 30 qershorit, aq më shumë po rritet tensioni në Shqipëri. Të mërkurën, përleshjet e dhunshme u zhvilluan në disa qytete të mbajtura nga opozita. Nuk ka asnjë regjistrim zyrtar të numrit të të plagosurve, por policia ka njoftuar se kanë arrestuar 12 vetë dhe po kërkojnë për 20 të tjerë, përfshirë ish-deputetet e opozitës, të akuzuar për nxitje të dhunës.
Masa të rrepta për ata qe kundërshtojnë zgjedhjet e 30 qershorit.
Ministri i Brendshëm Sander Lleshaj tha se qeveria kishte për qëllim të “shkrinte” policinë bashkiake në qytetet që kundërshtonin zgjedhjet pa bere publike bazën ligjore që i mundëson një veprim të tillë.
Kryeministri Edi Rama, i heq pasaportën diplomatike liderit te opozitës, Lulzim Basha, dhe kërcënon publikisht të ndalojë të udhëtojnë jashtë vendit të gjithë ata që kundërshtojnë zgjedhjet lokale më 30 qershor”, shkruan Le Courrier des Balkans.
