Sipas asaj që ka deklaruar gjatë ditës së sotme nga foltorja e Kuvendit, kryeministri Edi Rama ka zbuluar se është dikush nga 4-shja e famshmë e opozitës, Meta-Berisha-Luli-Monika që ka telefonuar në burgje dhe ka kërkuar të krijohen skenarë dhe tensione imagjinare. Pas kësaj, tha Rama, ka ardhur edhe letra e djeshme e Metës.
“Para dy ditësh morëm informacion se një njeri pranë katërshes, ka komunikuar me persona në burgje që të marrin në dorë pjesën e tyre për revolucionin imagjinar. Menjëherë më pas del letra e presidentit të shqetësuar për situatën në burgje. Presidenti po të ishte i shqetësuar për situatën, s’duhet të kishte bërë letrën publike. Dhe e dërgoi letrën në vendin e gabuar. Po të donte informacion, do kërkonte informacion nga ministrat. Drejtorët s’janë nomenklatura e tij, pavarësisht se i duket vetja udhëheqës Suprem përkrah liderit supreme.”-tha Rama.