Rudina Hajdari ka provokuar pas tensioneve të ndodhura një ditë më parë në Shkodër.
Në një reagim provokues ndaj opozitës në rrjetet sociale, Hajdari shpreh një qëndrim kundër opozitës dhe në favor të mazhorancës.
“Të dashur demokratë,
Djegia e shkollave në Shkodrën e kulturës dhe traditave ishte një traumë kombëtare dhe dhunë anti-shqiptare.
Për këto arsye vendosa sot që pagën (rrogën) mujore t’a dhuroj për riparimin e dritareve të shkollës që u dogj dje në këtë qytet nga ata që nuk janë as demokrat dhe as socialist, por thjesht servil të kryetarit dhe shpresojnë që në të ardhmen të shpërblehen me parimin: “Kush djeg dhe shkatërron më shumë bëhet drejtor ose doganier”
Le të jetë paga ime fillimi i një fushate ndërgjegjësimi nga çdo shqiptar që kërkon një Shqipëri si Europa.
Me respekt,
Rudina A. Hajdari”, shkruan ajo në një postim në Facebook.
Mbrëmjen e djeshme, në Shkodër, zyrtarë të bashkisë dhe qytetarë janë përplasur me policinë për shkak se forcat e rendit, në mbështetje të KQZ-së, nuk zbatojnë dekretin e Presidentit Meta për shtyrjen e zgjedhjeve. Kryetarja e Bashkisë Voltana Ademi i ka kërkuar KQZ-së dhe policisë një kërkesë zyrtare për zbatimin e dekretit të Metës duke liruar institucionet publike që përdoren si KZAZ. Por, nga ana e policisë dhe KQZ-së nuk po zbatohet dekreti i Presidentit për zgjedhjet. Kjo ka sjellë edhe përplasje.
Tensionet në Shkodër/ Policia konfirmon arrestimet: Kush janë zyrtarët dhe qytetarët e arrestuar
