Alfred Peza, sekretar në PS, e ka cilësuar si telenovelë publikimin e përgjimeve të reja nga gazeta gjermane Bild.
Peza është shfaqur mjaft i tronditur në studio televizive, duke cilësuar si jonormale përgjimet.
Peza duke iu drejtuar drejtuesit të emisionit Blendi Fevziu, tha se alfa e gazetarisë është që përgjimet janë indicia.
“Nuk mund të flas për gjërat kaq shumë serioze në një situatë kaq shumë komike. Opozita po keqpërdor ca gjëra duke keqpërdorur ca prokurorë të keqpërdorur”, tha Peza në emisionin Opinion.
Peza, pas publikimit të përgjimeve nga Bild, duket se e ka humbur fare llogjikën, pasi ndonëse bisedat janë në shqip, ai shprehet se nuk e di se si janë përkthyer ato.
“Nuk e di si janë përkthyer”, tha Peza, ndërsa të gjitha përgjimet janë në shqip.
“Që ne të bëhemi seriozë, duhet që këto çështje të hetohen në mënyrë të thelluar, në themel. Por këtu po përflitet kryeministri, që as ka qenë, as është. Është një zhvillim që s’ka ndodhur në 30 vjet. Lulzim Basha sot u mor zyrtarisht i pandehur për financimet ruse, ne kemi ujkun që është te prokuroria dhe ne merremi me gjëra jo serioze”, tha Peza.
