KAS-i ka shtyrë sërish datën e vendimit për Skënderbeun. Lajmi është bërë publik nga vetë klubi korçar nëpërmjet një njoftimi në faqen zyrtare, ku thuhet se bardhekuqtë do të njihen me vendimin në datën 12 korrik dhe jo në 21 qershor, siç ishte lajmëruar më herë.
Drejtuesit e Skënderbeut janë njoftuar për shtyrjen e vendimit nëpërmjet një emaili të mbërritur nga Gjykata e Arbitrazhit Sportiv.
Me shtyrjen e vendimit, shuhen në një farë mënyrë shpresat e Skënderbeut për të marrë pjesë në eliminatoret e Ligës së Europës këtë sezon.
NJOFTIMI I KLUBIT:
“CAS shtyn datën e vendimit”
Të dashur tifozë dhe sportdashës të KF Skënderbeu, ju bëjmë me dije se palët në gjykim janë njoftuar sot nga Gjykata e Arbitrazhit Sportiv për shtyrjen e vendimit përfundimtar.
KF Skënderbeu do të njihet me vendimin në datë 12 korrik…
Me Respekt,
KF Skënderbeu
