Arben Ristani, ish-Sekretar i Përgjithshëm i PD-së, është paraqitur në prokurorinë e Tiranës, raportojnë burime nga kjo e fundit.
Ristani, bashkë me Ilir Dervishin, financierin e PD-së, dhe kreun demokrat Lulzim Basha, janë marrë të pandehur nga prokuroria lidhur me kontratën e lobimit në SHBA. Mësohet se Ristanit i është komunikuar akuza.
Madje, prokuroria ka firmosur urdhërin për shoqërimin forcërisht të tyre, në rast se nuk paraqiten.
Ristani është thirrur në prokurori si i pandehur, ndërsa u paraqit vullnetarisht pranë organit të akuzës.
