Tensione edhe në KZAZ-në në Paskuqan këtë të hënë.
Përmes një reagimi, Partia Demokratike Dega Paskuqan bën me dije se, “para KZAZ Nr 27, te Shkolla Isa Boletini, Paskuqan, është kërkuar lirimin e hapësirave të institucionit Bashkia Kamze, në zbatim të dekretit të Presidentit te Republikës së Shqipërisë”, që rrëzoi 30 qershorin si datën e zgjedhjeve lokale.
Në pamjet e publikuara, duken efektivë të policisë që vendosur para hyrjes së shkollës dhe duke mos lejuar zbatimin e dekretit të Presidentit Meta.
Nga Presidenca, është paralajmëruar se “Presidenti Meta mban shënim të gjithë personat që shkelin ligjin dhe provokojnë tensione artificiale, të cilat u shërbejnë vetëm atyre grupimeve të errëta vendase dhe të huaja, që kërkojnë destabilitet në Shqipëri dhe rajon, me qëllim defaktorizimin e Shqipërisë dhe shqiptarëve”.
Tensionet në KZAZ/ Reagimi nga Presidenca: Po mbajmë shënim, forca të errëta …
Këtë të hënë, në Tropojë është thyer një KZAZ, ndërsa në Shkodër ka pasur përplasje mes forcave policore dhe protestuesve, të cilët kërkojnë zbatimin e dekretit të Presidentit Meta për shtyrjen e zgjedhjeve.
